Սա գրքի երկրորդ՝ վերամշակված հրատարակությունն է։ Գրքում հանրամատչելի, ընթերցողների լայն շրջանակների համար ընկալելի ոճով համառոտակի շարադրված է գրի պատմությունը, ներկայացված են գրի տարբեր տեսակները։ Առանձին շարադրված է հայոց գրի պատմությունը, դիտարկված են հայոց տառերի ծագումնաբանական հարցեր՝ ելնելով նախաքրիստոնեական հայոց գրի գոյության վարկածից։ Զգալի տեղ է հատկացված հայոց, ինչպես նաեւ լատինական եւ կյուրեղյան տառերի գործնական ձեւաստեղծման եւ գեղագիտական հարցերին։ Նախատեսված է գրի եւ գրչության պատմությամբ հետաքրքրվողների համար։
